Legjenda italiane Gianluca Pagliuca ka thënë se Interin e pret një fund i vështirë i sezonit, derisa ka thënë se portieri Samir Handanoviç fshehu problemet e klubit të tij me paraqitjet e mira.
Në një intervistë për “Umbria Radio” ish-portieri ka thënë se klubi i tij i vjetër është duke u përballur me probleme të madha, të cilat vështirë se do t’i kalojë deri në fund të sezonit.
“Handanoviç ka formë të mirë, por fatkeqësisht kjo nuk është e mjaftueshme, sepse Interi ka disa probleme të cilat i maskoi ai me pritjet e tij”, ka thënë Pagliuca.