Grupi militant palestinez Hamas ka rënë dakord me draftin e fundit të propozimit të Shteteve të Bashkuara për një armëpushim në Rripin e Gazës, duke njoftuar zyrtarisht Katarin, Egjiptin dhe SHBA-në për miratimin e tij.
Lajmi u konfirmua nga një zyrtar i Hamasit, i cili tha se delegacioni i tyre ka dhënë pëlqimin verbal për marrëveshjen, e cila përfshin ndërprerjen e luftimeve dhe shkëmbimin e pengjeve, ndërsa pritet miratimi përfundimtar me shkrim.
Sipas Reuters, propozimi i ri, i cili parashikon lirimin e dhjetë pengjeve dhe një armëpushim 70-ditor, është marrë nga Hamas përmes ndërmjetësve.
Marrëveshja, e negociuar me ndërmjetësimin e Egjiptit dhe Katarit, vjen pas 15 muajsh konflikti të ashpër që ka lënë mbi 46,000 të vdekur në Gaza, sipas Ministrisë së Shëndetësisë së Gazës, dhe ka shkatërruar një pjesë të madhe të infrastrukturës së enklavës.
Nga ana tjetër, ministri i Jashtëm izraelit, Gideon Saar, ka njoftuar se do të kthehet urgjentisht në Izrael për të marrë pjesë në votimet e kabinetit të sigurisë për të diskutuar marrëveshjen. Kryeministri Benjamin Netanyahu ka theksuar se çdo vendim do të varet nga garancitë për lirimin e pengjeve të mbetura, pas akuzave për shkelje të marrëveshjes nga Hamasi.
