Kryeministri Edi Rama paralajmëroi se muajt e pranverës në vendin tonë pritet të nisë vaksinimi masiv kundër koronavirusit.
“Në mars-prill-maj-qershor do të kemi vaksinim masiv, që do të këpusë si sëpatë zinxhirin e infektimeve dhe që do të mundësojë që të çlirohemi pjesërisht, por në mënyrë të konsiderueshme, nga barra e madhe e ankthit, pasigurisë, merakut për njerëzit tanë më të afër, më të dashur, për më të moshuarit, ata me sëmundje kronike. Ky është një udhëkryq“, tha Rama.
Rama u shpreh se nuk mund t’u besohet fati final i këtij sektori atyre që u bën aleatë me Covidi-n duke hedhur baltë me qeverinë.
Më tej kreu i qeverisë deklaroi se nuk mund t’u besohet atyre faza finale e kësaj lufte, kur personaliteti i tyre më i njohur, më i respektuar dhe i dashur doktor Halim Kosova del edhe thotë publikisht se ku janë ata në raport me këtë luftë
“A mundet në këtë udhëkryq t’i besohet fati i final atyre që firmosën koalicionin tragjikomik, që qysh nga dita e parë e luftës nuk u rreshtuan me ne krah jush. Zgjodhën të bëhen aleatë me Covid-in vetëm e vetëm se Covidi ishte armiku i deklaruar i kësaj qeverie. Qysh nga dita e parë nuk humbën asnjë ditë pa hedhur baltë, pa shpifur, pa akuzuar, pa nxitur panik, pa krijuar alarm, vetëm e vetëm për politikë. A mund t’u besohet atyre faza finale e kësaj lufte, në këtë udhëkryq të 25 prillit, kur personaliteti i tyre më i njohur, më i respektuar dhe i dashur doktor Halim Kosova del edhe thotë publikisht se ku janë ata në raport me këtë luftë dhe se cilët janë ata që japin mend dhe bëjnë akuza në mes të kësaj lufte. Unë them jo, nuk mund tu besohet atyre vazhdimi i asnjërës nga punët që kemi nisur, nuk mund tu besohet atyre fati i drejtësisë për një gjeneratë. Si mund t’u besohet atyre fati i luftës në këtë përballje për shëndetin e njerëzve tanë, me një armik që nuk sheh majtas dhe djathtas, nuk do t’ia dijë nga vjen, kush je, sa ke, por godet. Ashtu sikundër ky armik i padukshëm na godet nga të 4 anët, ashtu ne duhet të jemi të bashkuar nga të 4 anët duke lënë pas krahët politikën”, deklaron Rama.
g.kosovari
