“E kam për nder të pushtoj!”, Kuba bëhet gati për luftë me Amerikën pas deklaratës së Trump

“E kam për nder të pushtoj Kubën”!

Me këtë shprehje të huazuar nga Nikolas Maduro që u kap nga SHBA-të, presidenti Miguel Diaz-Canel, i tha një grupi aktivistësh të huaj që po sillnin ndihmë humanitare në ishull, se shanset e një agresioni janë të larta. Ai madje citoi Presidentin e SHBA-së, Donald Trump, të ketë thënë se ndaj Kubës ishte ushtruar i gjithë presioni i mundshëm dhe se e vetmja mundësi e mbetur ishte të merrej kontrolli dhe të shkatërrohej gjithçka.

Miguel Diaz-Canel, President i Kubës

“Situata është shumë serioze. Ata aplikojnë bllokadën energjetike që na vë në një situatë më të vështirë, por ne nuk po rrimë duarkryq. Para së gjithash, ne e pranojmë se mund të ketë një agresion kundër Kubës dhe kemi nisur një plan përgatitor për të rritur gatishmërinë e popullit tonë për mbrojtje në interes të luftës së të gjithë popullit, që është koncepti ynë i mbrojtjes dhe që është një koncept jo agresiv.”

Diaz-Canel theksoi gjithashtu se udhëheqja revolucionare e Kubës mbeti e bashkuar dhe se të gjitha vendimet u morën kolektivisht, me udhëheqësin historik, Gjeneralin e Ushtrisë Raul Castro, ende të pranishëm në udhëheqje.

Sipas deklaratave të mëparshme nga Zëvendësministri i Jashtëm i Kubës, sistemi politik dhe presidenca nuk janë subjekt i negociatave me Shtetet e Bashkuara, pas raportimeve se Uashingtoni kërkoi të largonte Diaz-Canel nga pushteti. Administrata Trump ka vendosur një bllokadë nafte mbi kombin e drejtuar nga komunistët, duke e shtyrë atë më thellë në krizë ekonomike, ndërsa bisedimet dypalëshe thuhet se vazhdojnë.