Partia Socialiste fiton zgjedhjet e së dielës në Kukës. Kandidati i Partisë Socialiste për Bashkinë e Kukësit Albert Halilaj ka fituar me një diferencë të madhe votash, mbi 5000 vota para përballë kandidatit Emri Vata nën siglën e koalicionit “Bashkë Fitojmë” të Sali Berishës dhe Ilir Metës.
Një tjetër shuplakë kjo për Sali Berishën pas asaj të zgjedhjeve të pjesshme të Rrogozhinës mbajtur më 23 korrik 2023.
Numërimi ka vijuar gjithë natën dhe vijon ende pa ndërprerje.
Sipas KQZ-së në zgjedhjet e të dielës morën pjesë 45,63 %. Kështu më pak qytetarë ushtruan të drejtën e votës, krahasuar me zgjedhjet e 14 majit, ku fitoi socialisti Safet Gjici, mandati i të cilit zgjati pak për shkak të skandalit seksual, ku ai u përfshi.
Në zgjedhjet vendore që u mbajtëm më 14 maj, Safet Gjici fitoi një mandat të dytë me 49.70% të votave, Admir Sinamati nga koalicionin ‘Bashkë Fitojmë’, mori 40.99% të votave, ndërsa Abedin Oruçi nga Partia Evropiane për Integrim PEISH, mori (9.31%).
Zgjedhjet në Bashkinë e Kukësit vijnë pas dorëheqjes së Safet Gjicit nga posti, pas publikimit të video-skandalit duke kryer marrëdhënie seksuale në zyrë me Alma Kaçin. Aktualisht Gjici ndodhet në burg.
/a.r
Hej dreq si vajti kjo pune! Edhe ne goje, edhe ne kuti pak si shume!