Vladimir Putin ka kërcënuar ISIS, por indirekt edhe botën, se mund të godasë me raketa bërthamore.
Presidenti i Rusisë është zemëruar së tepërmi pas ekzekutimit brutal të gjashtë rusëve nga Anatolij Zemljanka, i ashtuquajtur “kasapi i rusëve” ose “Jihadi John” i ri.
Putin ka shpjeguar në një konferencë për shtyp se raketat Kalibr dhe A-101 mund të pajisen me mbushje normale por edhe bërthamore.
“Shpresoj të mos jetë e nevojshme, por nëse është, do përdorim armë bërthamore kundër ISIS”, tha Putin.
Përdorimi i armëve bërthamore do ta bënte të pabanueshme për mijëra vjet çdo zonë shpërthimi, duke krijuar shqetësim edhe për vendet e tjera.
Putin është betuar të luftojë deri në zhdukjen e të gjithë xhihadistëve, megjithatë përmendja e armëve bërthamore shigjeton indirekt edhe Turqinë, e cila ka deklaruar se është gati për luftë nëse anijet ruse provokojnë.
Rusia është fuqia më e madhe bërthamore në botë, ndërsa Turqia nuk zotëron armë të tilla, megjithatë është anëtare e NATO-s, ku janë disa shtete me potencial bërthamor.
