Rastet kur biznesmenët grabiten në llogaritë e tyre përmes ndërhyrjes online nga hakerat sa vijnë e shtohen. Së fundi viktimë ka rënë edhe një biznesmen nga Fieri, të cilit i kanë grabtiur disa mijëra euro. Atij i kanë ndërhyrë në llogarinë e postës elektronike, ku hakerat i kanë bërë devijimin e një shume parash shkruan JavaNews.
Teksa biznesmeni komunikonte me një kompani të huaj italiane për shkëmbimin e mallrave dhe parave, dikush mundi të aksesojë e-mailin e biznesmenit, ku ishin korespoendancat me kompaninë italiane.
Hakeri ndryshoi itinerarin e pagesës së faturave, duke ndryshuar numrin e llogarisë ku do të bëhej derdhja. Tashmë policia ka nisur vepriemt për ngjarjen. Rasti i ka kaluar sektorit kundër krimit kibernetik.
Kjo metodë është bërë mjaft e njohur tashmë. Edhe para disa muajsh një biznesmen humbi shuma të mëdha në këtë mënyrë. Specialistët këshillojnë shmangien e dërgesave përmes këtyre metodave./JavaNews/a.m.
