Një tryezë në sallën N 409 të Kuvendit të Kosovës është bërë gati që të presë të martën liderët e subjekteve politike të pushtetit e të opozitës. Mikpritës është një ndërkombëtar, shkruan Koha Ditore.
Është Johannes Hahn, komisionar i Bashkimit Evropian për Fqinjësi dhe Zgjerim, ai që ka iniciuar takimin midis politikanëve të të dyja kampeve politike që kanë zhytur vendin në krizën më të thellë politike që njeh Kosova. Gjatë gjithë këtij mandati ata nuk janë ulur përreth një tryeze.
Komisionari Hahn ka ndërmjetësuar edhe krizën në Maqedoni ndërmjet pushtetit e opozitës, e cila e çoi në dorëheqje kryeministrin Nikola Gruevski dhe i futi subjektet politike në negociata për zgjedhje të parakohshme. (b.an)
