Kryeministri Edi Rama është takuar ditën e djesehme me Komisionerin për Zgjerim në BE Johannes Hahn, në kuadër të vizitës së shefit të qeverisë shqiptare në Bruksel për vazhdimin e Samitit të Berlinit. Në përfundim të takimit të Rama dhe Hahn kanë dalë një konferencë të përbashkët për shtyp.
Në fjalën e tij Komisioneri Hahn ka përsëritur edhe një herë 5 objektivat e vendosura nga Bashkimi Evropian për Shqipërinë. Ai ka theksuar se Samiti i Berlinit ka qenë edhe rasti për t’u takuar me Ramën pasi në të kundërt zyrtarët evropianë nuk kanë asnjë problematikë që zyrtarët evropianë t’i adresojnë kryeministrit shqiptar.
“Siç e dini Shqipëria ka 5 objektiva dhe për ato po punohet shumë mirë, sidomos puna për reformën në drejtësi duket sikur po ecën shumë mirë. Jemi në rrugë të mbarë. Jemi këtu sëbashku sepse na u dha ky rast për t’u takuar për shkak të takimit të gjashtëshes së Ballkanit Perëndimor, por po të mos kishte qenë për këtë nuk do të kishte pasur ndonjë arsye për t’u ulur sëbashku, pra për sa i përket adresimit të ndonjë problemi. Fatkeqësisht, nuk kam shume gjera për t’ju raportuar, sepse herë pas here ndodh që gjërat shkojnë mirë. Dhe nuk ka nevojë për të thënë shumë.” tha Hahn
Ndërsa nga ana e tij, Kryeministri Edi Rama vlerësoi mbështetjen e dhënë nga Komisioneri për Zgjerim. Rama nënvizoi edhe rëndësinë e Samitit të Ballkanit, që sipas tij krahas bashkëpunimit politik do të mundësojë edhe ndërlidhje infrestrukturore dhe zhvillim ekonomik të vendeve të rajonit.
“Kjo është një ditë shumë e bukur dhe unë dua të them se i jemi shumë mirënjohës Komisionerit Hahn. Kemi vendosur shumë shpresa në eksperiencën e tij të gjatë dhe punën për zhvillimin rajonal, sepse sot bëmë një hap shumë të madh përpara drejt përcaktimit të rrjetit ndërlidhës në rajon, i cili nuk është thjesht një projekt infrastrukturor, por është një projekt paqeje dhe bashkëpunimi të begatë. Nga ana tjetër, patëm rastin të takoheshim dhe ne kthehemi në Tiranë shumë të motivuar dhe shumë optimistë, sepse e dimë se çfarë duhet të vazhdojmë të bëjmë dhe shpresojmë shumë që në vjeshtë do të jemi në gjendje të themi se ia dolëm.” u shpreh Hahn
Redaksia Online
(Javanews.al)
