Deputetja socialiste Mimoza Hafizi ka deklaruar këtë të hënë se sot në Shqipëri, partitë politike janë mbi popullin dhe vendimet e tyre as mund të konsultohen e as mund të ankimohen.
Këtij modeli, shprehet Hafizi i janë kundërvënë ajo dhe 9deputetë të tjerë përmes peticionit për të bërë që zgjedhja e presidentit të vijë nga vota e qytetarëve.
Deputetja socialiste i ka kërkuar 3 partive kryesore politike që të flasin në lidhje me këtë çështje, duke sqaruar dhe pozicionin e tyre, nëse duan që ta zgjedhin ata Presidentin apo populli shqiptar.
“Kjo praktikë kushtetuese ja jep të drejtën vetëm partive të vendosin për Presidentin dhe jo qytetarëve, të cilëve u mohohet e drejta për ta zgjedhur vetë atë sic e bëjnë shumë vende të tjera. Kjo praktikë e kthen Presidentin në një figurë të dobët dhe nuk e bën atë që të jetë mbi palët. Sot partitë janë mbi popullin dhe vendimet e tyre as mund të konsultohen e ankimohen. 67% e vendeve të Europës ja japin të drejtën e votës për presidentin popullit.”– tha Hafizi./java/a.k
