“Hacking” dhe riprogramim i qelizave për të mposhtur kancerin. Ekspertët e Institutit të Teknologjisë së Massachussetsit (MIT) në Boston, janë të sigurt se kjo do të jetë rruga për të mundur tumoret në të ardhmen.
Në një studim të publikuar në “Science”, kërkuesit amerikanë kanë demonstruar se është e mundur të hysh në strukturën e qelizave të gjalla dhe t’i riprogramosh, pikërisht siç veprohet me gjuhën e kompjuterit.
Tashmë e kanë verifikuar që është e mundur të rishkruhet kodi i DNA-së dhe të vendoset në bakterje, për t’u ndryshuar funksionimin. Tani po studiojnë një mënyrë për të “riprogramuar” qelizat, në mënyrë që t’i nxisitn të lëshojnë helme antitumorale kur ndeshin me kancerin.
Është një kufi i ri që me kohë mund të hapë rrugën për kura të reja dhe për revolucionarizimin e studimeve mbi luftën kundër kancerit.
“Bëhet fjalë për programimin e një gjuhe për bakteriet”, thotë Christopher Voigt, docent i inxhinierisë biologjike në MIT. “Përdoret një gjuhë e bazuar mbi një test, tamama siç veprojmë kur ripogramojmë kompjuterin. Përpilohet një test dhe realizohet një sekuenca DNA-je që vendoset në qelizë. Në këtë pikë, ky qark vepron brenda qelizës”.
Prej 15 vjetësh, bioinxhinierët e gjithë botës po studiojnë një kod gjenetik për të “alternuar” qelizat në mënyrë manuale, por këto studime kërkojnë një numër të pafund eksperimentesh, sepse mundësia e gabimeve është shumë e madhe. Zgjidhja e dhënë nga MIT i Bostonit ka avantazhin se është shumë e lehtë. “Funksionon edhe nëse nuk ka shumë eksperiencë. Ndaj zbulimi ynë është një etapë e rëndësishme e kërkimeve në këtë fushë”, shton Voigt. “Mund të programohet edhe nga një nxënëse gjimnazi. Mjafton të shtypësh një tast dhe realizohet një sekuencë DNA-je”.