Gjatë intervistës në vizion+ kryeministri Edi Rama, u pyet edhe për ‘gylenistët’ dhe kërkesat e mundshme të Turqisë, shkruan javanews
Shefi i qeverisë nuk dha shumë komente, por deklaroi se është një rrjet që meriton vëmendje të veçantë.
“Gylenistët? Është një rrjet që meriton vëmendje të veçantë“, tha Rama në RealStory
Rama tha se nuk ka patur asnjë presion nga Erdogan. Ne jemi të detyruar që të bëjmë detyrën ndaj çdo rreziku që përbën kërcënim dhe këtu bëhet fjalë për një kërcënim të brendshëm
Ka kërkesë apo presion nga Turqi për të bërë të njëjtën gjë si në Kosovë me ‘gylenistët’?
Në rastin konkret, bashkëbisedimi im me presidentin Erdogan është i drejtpërdrejtë, i hapur dhe vëllazëror. Kurrë nuk ka qenë një çështje presioni shqetësimi i tij që është absolutisht, absolutisht i bazuar për këtë rrjet që kërcënoi të përmbyste me dhunë rendin Kushtetues në Turqi.
Besoni se element të tillë fshihen edhe në Shqipëri?
Unë besoj se nuk mund të mbahet një qëndrim bardhezi në kuptimin që jo s’ka. Unë besoj që është një rrjet që meriton një vëmendje shumë të veçantë. Ne jemi të detyruar që të bëjmë detyrën ndaj çdo rreziku që përbën kërcënim dhe këtu bëhet fjalë për një kërcënim të brendshëm.
Javanews.al/a.ç
