Ministrja e Shëndetësisë Ogerta Manastirliu dha sot lajmi se muaji Gusht do të jetë “muaj sulmi”, pasi do të jetë i hapur për vaksinimin masiv për çdo qytetar +18 vjeç.
Ministrja Manastirliu nga qendra shëndetësore nr.1 në Tiranë ka ftuar të moshuarit që ende nuk e kanë kryer vaksinën por edhe studentët dhe çdo qytetar +18 vjeç të paraqiten në qendrat shëndetësore ose në qendrën më të afërt të vaksinimit me kartën e identitetit, për të kryer vaksinën antiCOVID.
“Të gjithë ekspertët tanë, ekspertët ndërkombëtarë këshillojnë një gjë e cila duhet ndjekur nga qytetarët në këto kohë, është vaksinim, vaksinim.
Ne jemi përballë një situate që është e kontrolluar por në fakt ka ardhur si pasojë e variantit Delta që tashmë qarkullon në vendin tonë numrat janë rritur në mënyrë të lehtë, po ashtu shtrimet në spital.
Ajo që vihet re është që tek të shtruarit në spitale nuk janë të vaksinuar dhe janë të grupmoshave të riskut mbi 60-70 vjec, që do të thotë që ka ende qytetarë që nuk janë vaksinuar që i përkasin grupeve të riskut.
Vaksinimi është një detyrim qytetar dhe moral për të mbrojtur veten dhe ata që duam.
Pas javës së hapur të vaksinimit ne kemi vendosur që Gushti të jetë muaj i hapur për gjithë plus 18 vjec për të bërë vaksinën, do jetë një muaj që do e konsiderojmë muaj sulmi për të vaksinuiar të gjithë qytetarët e grupmpshës plus 18 vjec“.
“Koha nuk pret, virusi sot është tepër ngjitës”/ Manastirliu thirrje studentëve të vaksinohen para nisjes së Universitetit
Pasi dha lajmin se muaji Gusht do të jetë muaj i hapur për vaksinimin e qytetarëve +18 vjeç, Ministrja e Shëndetësisë dhe Mbrojtjes Sociale Ogerta Manastirliu nga Qendra Shëndetësore nr.1 në Tiranë, i ka bërë apel studentëve të vaksinohen gjatë muajit të hapur dhe përpara fillimit të sezonit të ri akademik.
“Eshtë e rëndësishme një thirrje për studentët, për t’u vaksinuar sepse Shtatori, Tetori, fillimi i shkollës sigurisht që do të na përballë me rritjen e kontakteve, me te gjithe ato grumbullime të cilat ndonjëherë janë të pashmangshme, por nëse jemi të vaksinaur, të paktën kemi të garantuar që shmangim komplikacionet dhe format e rënda të sëmundjes dhe sigurisht edhe fatalitetet”, tha Manastirliu.
“Ndaj te mos humbim kohe e te mos hezitojme per te vajtur te vaksinohemi sa me shpejt te jete e mundur“, ishte thirrja e ministres per te rinjte.
Ndërsa shefja e Epidemilogjisë dhe Sëmundjeve Infektive në ISHP, Prof. Silva Bino tha se tani me qarkullimin e variantit indian në vend, vaksinimi eshte nje urgjence.
“Delta e bën urgjente vaksinimin. Pra nëse deri dje thoshim vaksinim, sot vaksinimi është një urgjencë se virusi është tepër i transemeuteshëm, ngjitës dhe koha nuk pret.
Studentët që do futen në auditore mund të bëhen përcues.
Vaksinimi i studentëve nxënësve e mësuesve, të moshuarve që mund të bëjnë forma të rënëda dhe deri në vdekje, është element tepër i rëndësishëm urgjence për t’u vaksinuar”, tha Bino.
/m.j
