Kleriku mysliman me bazë në SHBA, Fethullah Gulen, ndjekësit e të cilit Turqia i fajëson për grusht shtetin që dështoi, ka thënë se tentimi për rrëzimin e Erdoganit mund të ketë qenë një skenar i montuar, ndërsa i ka bërë thirrje popullit turk të mos e shikojë intervenimin ushtarak për shtypjen e grusht shtetit si pozitive.
“Ka një shans të vogël, ka mundësi që kjo mund të ketë qenë një grusht shtet me skenar. Kjo mund të jetë e destinuar për akuzat gjyqësore dhe shoqatat”, iu ka thënë Gulen gazetarëve, raporton Reuters.
Gulen është shprehur se demokracia nuk mund të arrihet përmes aksioneve ushtarake, transmeton Koha.net. Ai e kritikoi presidentin e Turqisë, Tayyip Erdogan dhe qeverisjen e tij.
“Siç duket ata nuk kanë tolerancë për asnjë lëvizje, asnjë grup, asnjë organizatë që nuk është nën kontrollin e tyre të plotë”, ka thënë ai. (b.an)
