Pep Guardiola ka thënë se është e pamundur për Manchester Cityn që të transferojë në janar mbrojtësin e Southamptonit, Virgil van Dijk.
City është lidhur me transferimin e holandezit për 50 milionë funta, ndërsa në garë për të raportohet se është edhe Liverpooli, transmeton Koha.net.
“A do të vijë këtu Van Dijk? Muajin tjetër këtu?”, ka pyetur Guardiola, para se të fillonte të qeshte.
“Në prill do të luajmë kundër Southamptonit. Ai nuk do të vijë muajin tjetër këtu, sepse kjo është e pamundur. Ai është lojtar i Southamptonit dhe nuk e duam atë tani”, është shprehur Guardiola, raporton Goal, përgatiti Koha. (b.an)
