Trajneri i Manchester Cityt, Pep Guardiola ka thënë se për t’i njohur mirë lojtarët e tij duhet të jetojë me ta, në mënyrë që të nxjerr më të mirën prej tyre në fushën e lojës.
Guardiola, i cili për herë të parë menaxhon një ekip në Premier Ligë, ka shtuar se po jep gjithçka që të njohë më mirë lojtarët e tij në prag të fillimit të sezonit, transmeton Koha.net.
“Për t’i njohur lojtarët duhet të jetoni me ta, të ushqeheni, të flisni, të ushtroni me ta, dhe t’i njihni më shumë. Jam shumë i kënaqur me parasezonin, jam i kënaqur me sjelljen e të gjithë lojtarëve.
Mendoj se në aspektin e karakterit dhe shpirtit ne do të jemi një ekip i vërtetë dhe kjo është ajo që dua”, ka thënë Guardiola në një konferencë për media, raporton Goal.
Ai ka kërkuar nga lojtarët që të jenë agresiv edhe pa top dhe të lëvizin më shumë përpara, përderisa dëshiron t’i shohë ata duke luftuar, citohet Koha. (b.an)
