Përpjekjet për grusht shteti, kërcënime terroriste dhe vazhdimisht përleshje verbale mes përfaqësuesve të qeverisë gjermane dhe asaj turke, kush dëshiron të shkojë ende në Turqi në këto rrethana, pyet “Deutsche Welle”.
Përgjigja është befasuese: shumë. Ministria turke e Kulturës dhe e Turizmit prezantoi së fundi të dhënat për pranverën. Përfundimi: në prill 2017 kishte pasur për herë të parë që nga viti 2015 më shumë turistë; në krahasim me fillimin e vitit, numri i turistëve është rritur me gati 20 për qind.
Ruset dhe gjermanët përbëjnë shumicën e turistëve në Turqi. Sipas Shoqatës gjermane të Turizmit, janë sidomos familjet që preferojnë ofertat “all-inclusive” në bregdetin turk.
Shumë hotele kanë investuar shumë në këtë drejtim dhe shteti e ka zgjeruar shumë infrastrukturën turistike dhe atë rrugore. Turizmi është një sektor i rëndësishëm i ekonomisë turke. Ai sjell rreth 13% të prodhimit bruto të vendit.
Sulmet në fillim të vitit 2016 në Stamboll, ku gjetën vdekjen edhe gjermanë, si dhe përpjekja për grusht shteti shkaktuan një rënie prej 40% të ardhurave nga turizimi. Pasi lideri i Kremlinit Vladimir Putin e shfuqizoi urdhrin e ndalimit të avionëve çarter nga Rusia drejt Turqisë numri i turistëve rusë është pesëfishuar deri në pranverën e këtij viti.
Vendimi për ndalimin e udhëtimeve turistike në Turqi u mor pas goditjes së një avioni ushtarak rus nga trupat turke.
a.ç
