Gjatë ditëve të fundit u zhvillua në teatrin “Petro Marko” të qytetit të Vlorës, Festivali Folklorik Kombëtar i ISO-Polifonisë.
FFK-ISO Polifonik, i zhvilluar me rastin e 10- vjetorit të shpalljes së ISO-Polifonisë si Kryevepër e Trashëgimisë Gojore të Njerëzimit nga UNESCO, pas atmosferës që i dhuroi qytetit dhe të pranishmëve në sallë, bëri bashkë disa grupe folklorike, bartës dhe interpretues të shumëzërshit, të cilat performuan me mjeshtëri muzikën e bukur dhe tradicionale labe.
Në fund të aktivitetit, siç raporton atsh, pasi juria profesioniste dëgjoi të gjitha grupet në garë, i dha nderin dhe kënaqësinë Kryetarit të Bashkisë Vlorë, Dritan Leli për të ndarë çmimet.
Grupi Polifonik i Himarës u shpall fitues i çmimit të parë, grupi polifonik Bashkia Gjirokastër u shpall fitues i çmimit te dytë, ndërsa grupi polifonik Bashkia Mallakastër u shpall fitues i çmimit të tretë.
