Jug-lindja e vendit i është rikthyer të ftohtit dhe temperaturave të ulëta. Paraditen e së mërkurës reshje bore janë rregjistruar në zonat malore, të cilat kanë kaluar trashësinë e 20 cm në zonat më të larta.
Si rrjedhojë e rreshjeve, edhe njëherë qytetarët e Korçës i janë kthyer veshjes së tyre dimërore dhe çadrave.
Sipas të dhënave metereologjike të cilave u referohet Top Channel, në gjithë qarkun bora nuk ka krijuar probleme në akset rrugore, pasi ajo ka rënë vetëm në lartësinë mbi 100 m, ndërsa temperaturat kanë rënë.
Trashësia maksimale e borës ka arritur në malin e Gramozit, ku janë regjistruar 20 cm borë, ndërsa më pak rreshje ka pasur në zonat e tjera ku trashësia ka arritur rreth 6 cm.
Pavarësisht fenomenit të zakonshëm për stinën, situata në akset dhe rrugët e gjithë qarkut raportohet normale.
