Kryetari i VMRO-DPMNE, Nikolla Gruevski theksoi se të gjithë kishin ardhur me qëllimin për të pasur negociata, dhe vetëm një njeri erdhi me qëllimin për të shtyer zgjedhjet.
“Tri partitë u dakorduan për datën e zgjedhjeve, vetëm Zoran Zaev kundërshtoi mbajtjen e tyre më 24 prill”, deklaroi Gruevski pas takimit të liderëve.
Sipas tij, lideri i LSDM-së, Zoran Zaev ka arsyet e tij personale që vetëm ai i di për të mbajtur krizën në Maqedoni dhe të shtyejë zgjedhjet.
Gruevski tha se do të vazhdojë me konsulta të reja dhe do të informojë për veprimet e mëtejshme.
I pyetur se a vlen ende dorëheqja e tij, Gruevski tha se ajo është deponuar dhe se do të aktivizohet 100 ditë para zgjedhjeve.
