Gruaja shtatzënë që varje nga dritarja e katit të dytë gjatë masakrës në Bataclan është shëndoshë e mirë dhe ka zbuluar se askush nuk e dinte që ajo është në pritje të një fëmije, shkruan “The Sun”.
I dashuri dhe prindërit e saj e morën vesh lajmin vetëm videoja e publikuar nga gazeta “Le Monde”, ku ajo dëgjohej teksa kërkonte ndihmë.
Ajo është një pariziene 20-vjeçare, tashmë e njohur me epitetin “Zonja Krahëfortë”, dhe është shtatzënë prej dhjetë javësh.
“Prisja të isha tremuajshe para se të tregoja”, shpjegon gruaja.
“Në koncert po shihja nga lozha. Kur erdhën pushkatarët, nuk mund të shkoja poshtë, kështu që shkova lart. Qëndrova varur për pesë minuta, deri sa më tërhoqën lart”.
“Doja ta falënderoja njeriun që më shpëtoi, ndaj i kërkova një shoqeje të vendoste një njoftim në Twitter që të bij në kontakt me të. Tani e kam falënderuar”.
Ndërkaq, njeriu që e ndihmoi të zbriste, tregon se çfarë thoshin xhihadistët teksa vrisnin njerëzit.
“Do t’ju bëjmë të provoni atë që ndiejnë të pafajshmit në Siri. I dëgjoni të qarat e vuajtjeve?”.
“Tani po e provoni frikën që provojnë çdo ditë njerëzit në Siri. Kjo është luftë dhe është vetëm fillimi. Do t’i masakrojmë të pafajshmit. Duam ta marrin vesh të gjithë”.
