Një grua nga Durrësi ka denoncuar zhdukjen e burrit të saj në polici ditën e djeshme, por me një “detaj” të vockël… bashkëshorti është “zhdukur” në vitin 1996, pra 20 vite më parë!
F.V, 55 vjeçe ka thënë se burri i saj, që tashmë është 60 vjeç, u largua në drejtim të Italisë dhe prej asaj kohe ka humbur gjurmët.
Policia premton se po punon për gjetjen e burrit që tani është në moshën 60 vjeçare.
“Më datë 24.10.2016, shtetasja F.V, vjeç 55, banuese në Durrës, kallëzon se është larguar nga banesa në muajin Tetor të vitit 1996, në drejtim të Italisë dhe nuk është kthyer, bashkëshorti shtetasi M.V, vjeç 60, banues në Durrës.
Punohet për gjetjen e tij. Materialet i kaluan Prokurorisë së Rrethit Gjyqësor Durrës”, thuhet në njoftimin e policisë së Durrësit./a.k
