Bashkëshortja e Vasil Bibës, biznesmenit të vrarë në Dajt, është marrë në pyetje dje për rreth katër orë në Drejtorinë e Policisë së Tiranës
Fillimisht është bërë verifikimi i deklarimit që ajo kishte dhënë para dy muajsh në Komisariatin nr.4, kohë kur denoncoi zhdukjen e bashkëshortit.
Burimet e policisë thanë se Elsa Biba është shprehur se largimi i të shoqit nga shtëpia, zhdukja e tij, por edhe vrasja, mund të kenë lidhje me borxhet që ai u kishte disa personave.
“Im shoq kishte probleme me shumë njerëz, për shkak të disa borxheve të mëdha që u detyrohej. Ka pasur raste që ata na vinin edhe në shtëpi. Kanë ardhur edhe gjatë kohës që Vasili paska qenë i vdekur”, ka deklaruar 29-vjeçarja para oficerëve të policisë.
Panorama
