Sëmundja e Moikom Zeqos ka sjellë një reagim të madh në rrjet.
Vetë Zeqo ka deklaruar se nuk donte që të bëhej kaq bujë dhe kjo të mbetej një ngjarje private.
Por Partia Demokratike me deputeten Albana Vokshi e ka shfrytëzuar këtë rast për të sulmuar sërish qeverinë.
“Për ministrin dhe drejtuesit e QSUT, eshte nje turp i shtuar indiferenca per kurimin e merituar si per z. Moikom ashtu edhe per cdo shtetas tjeter qe paguan taksa dhe nuk merr asnje sherbim. Publicistit dhe studiuesit te njohur i uroj sherim sa me te shpejte,” ka thënë Vokshi.
Por ndaj Vokshit ka reaguar bashkëshortja e Moikom Zeqos, Lida Miraj, e cila akuzon PD-në se ishin pikërisht ata që e pushuan nga puna në 2005.
“Më erdhi turp kur lexova mesazhin tuaj. A nuk ishte qeveria, të cilën përfaqësoni, që Moikom Zeqon e la pa punë, sapo mori pushtetin në vitin 2005, kur ai ishte në kulmin e krijimtarisë së tij, dhe mos harroni se ishte në moshën 55 vjeç. Ju lutem, mos u shtirni sikur po u vjen keq, sepse nuk mund të shfrytëzoni këtë gjë për banalitete politike. Më e pakta që mund të bënit ishte të mbyllnit gojën e të kërkoni falje publike për veprimet e shëmtuara”, shkruan ajo në FB.
TEMA
