Privatizimi i ri i qeverisë greke është kompania e hekurudhave shtetërore “Trainose”. Ajo i ka shitur 100% të vlerës së aksioneve të kësaj kompanie kolosit italian të hekurudhave “Ferrovie Dello Stato Italiane.” për një vlerë prej 45 milionë euro. “Ferrovie” përbën kompaninë e tretë më të madhe hekurudhore në Evropë dhe me këtë blerje, duke investuar në teknologjinë e re dhe me eksperiencën e saj kërkon të integrojë kompaninë greke në hartën hekurudhore evropiane.
Ka më shumë se 3 vjet që organizmi për shitjen, privatizimin dhe vlerësimin e pasurisë shtetërore në Greqi, TAIPED, nën presionin e kreditorëve përpiqet të privatizojë kompaninë në fjalë, që për shkak të keqmenaxhimit ndodhej në telashe financiare. Edhe Komisioni Evropian në kuadrin e subvencioneve shtetërore ndihmëse kishte dhënë për të në vitet e kaluara një paketë prej 700 milionë eurosh, me kusht që të rimëkëmbej dhe të bëhej e mundur privatizimi i saj.
ma.me
