Greqia reagoi shumë shpejt pas ngjarjeve të ndodhura në stadiumin “Tumba” të Selanikut, në fundin e ndeshjes mes PAOK-ut dhe AEK-ut të Athinës. Policia greke bëri të ditur se ka lëshuar një urdhër arresti në drejtim të pronarit të PAOK-ut, Ivan Savidis, i cili hyri në fushën e lojës i pajisur me armë për të trembur gjyqtarin e ndeshjes. Në të njëjtën kohë, policia theksoi se ka lëshuar urdhër arreste edhe për 4 persona të tjerë, që me shumë gjasa janë truprojat e Savidis, që e shoqëruan atë në “pushtimin” e fushës.
Kush është Ivan Savidis?
Ivan Savidis ka lindur në vitin 1959 në Gjeorgji, në atë kohë ish-shtet i Republikës Sovjetike. Aktualisht ai mban dy nënshtetësi, atë ruse dhe greke.
Para se të merrte drejtimin e klubit grek të PAOK-ut në vitin 2012, ai drejtonte ekipin rus të Rostov.
Më një të shkuar politike ai ka qenë pjesë e Parlamentit rus dhe në fushën e biznesit ai është një prej personave më të pasur në Rusi njëherazi ndër personat më të afërt të Presidentit të Rusisë, Vladimir Putin.
Savidis ka një të shkuar ushtarake në radhët e ushtrisë ruse, ku ka mbajtur gradën e rreshterit.
Shkollimi i tij i njeh diplomën e ekonomistit. Bizneset e tij kanë qenë të shtira në disa sektorë. Ka qenë President i kompanisë së cigareve Donskoy Tabak, për të marrë më pas postin e drejtorit ekzekutiv në “AgrokomGroup”, themeluar në vitin 2004.
Në pronësi të tij janë regjistruar dy komplekse hotelesh, një komani telekomunikacioni si dhe menaxhimi i portit të qytetit të Selanikut.
Emrin tij e mban edhe një fondacion bamirësie që merret kryesisht me restaurimin e objekteve të kultit ortodoks si dhe promovimin e projekteve kulturore, arsimore, shkencore dhe punëve kërkimore.
Savvidis gjithashtu mbështet financiarisht Federatën Ndërkombëtare të Shahut dhe Federatën Ruse të Bilardos.
