Athinë (Reuters)- Autoritetet Greke filluan të Enjten të zhvendosin qindra emigrant drejt qyteteve tjera nga një port në afërsi të Athinës, ku ato po qëndronin për javë të tëra në kushte të papërshtatshme.
Pothuajse 6000 shtetas nga Siria, Iraku dhe Afganistani janë bllokuar në portin e Pireut, ku ka pasur tensione në ngritje për ushqimin dhe telefonat. Pireu është rreth 12 km nga Athina.
Këto refugjatë janë pjesë e 51.000 refugjatëve të ngecur në Greqi, pasi shtetet e Ballkanit kanë mbyllur kufijtë për këtë muaj, duke i ndaluar ata të lëvizin për në vendet e zhvilluara të Evropës Veriore me shpresën për të filluar një jetë të re.
Gjatë mëngjesit të paktën katër autobusë janë nisur nga Pireu për në qytetin portal të Kyllinit në Greqinë perëndimore, rreth 280 km nga Athina, ku ata do të strehohen në një ish kompleks turistik.
Autobusë të tjerë u nisën për në qytetet e Janinës dhe Larisës në Greqinë qendrore dhe veriperëndimore.
Pas një marrëveshjeje që Bashkimi Evropian arriti me Turqinë këtë muaj, emigrantët që arrinin në Greqi nëpërmjet Turqisë pas 20 Marsit mbahen në kampe dhe do rikthehen sërish në Turqi, pasi kërkesat e tyre për azil të përpunohen.
Parlamenti Grek pritet të votojë të premten një projektligj për implementimin e marrëveshjes BE-Turqi. Pergatiti Horald Kulli
