Një grup grabitësish, më së shumti shqiptarë, të cilët dyshohen për të paktën dy vrasje, janë arrestuar në rajonin e Atikës, në Greqi, bëri me dije të premten policia greke.
Gjatë operacionit policor, janë arrestuar shtatë të dyshuar, gjashtë shqiptarë nga 28 deri në 43-vjeç, si edhe një grek 43-vjeçar, citohen burime policore nga mediat greke.
Edhe një 27-vjeçar shqiptar, i cili aktualisht ndodhet në burg për vjedhje në Greqi, dyshohet gjithashtu se është anëtar i bandës raporton Shqiptarja.com.
Hetimet kanë zbuluar prova se banda fshihet pas vrasjes së një 53-vjeçari në Elefsina, në jugperëndim të Athinës, marsin e vitit të shkuar dhe të një gruaje 75-vjeçare në Aspropyrgos, në të njëjtën zonë, në tetor po të 2015-ës.
Dyshohet se të dyja viktimat janë vrarë gjatë grabitjes së banesave të tyre, shkruan Kathimerini.
