Policia greke pothuajse ka zbardhur plotwsisht vrasjen e shqiptarit 21-vjeçar nw qytetin Larisa. Sipas mediave greke për shkak të rivalitetit seksual, Daniel Xhafa është rrahur me sende të forta dhe pas goditjes me plumb në kokë, i është vënë flaka poshtë barkut. Zjarri i ka djegur disa pjesë të trupit, mes tyre edhe organin gjenital. Nga ana tjetër, Policia e Larisës ka vijuar me një të arrestuar, teksa në pyetje është marrë nëna e viktimës, administratore e një taverne, ku punonte 21-vjeçari.
Nga verifikimet që specialistët kryen përgjatë këtyre orëve, mendohet se në fillim të paktën dy persona e kanë rrahur mizorisht 21-vjeçarin. Nga autopsia e mjekut ligjor të Selanikut, i mbërritur posaçërisht për këtë ngjarje në Larisa, rezulton se është qëlluar me sende të forta në të gjitha pjesët e trupit. Më tej autorët e kanë ulur në gjunjë 21-vjeçarin dhe e kanë qëlluar me një plumb në pjesën e pasme të kokës. Për të humbur gjurmët i kanë vënë zjarrin pjesës së fundbarkut. Nga ekspertiza e trupit rezulton se organi gjenital dhe pjesë të tjera trupore janë djegur.
