Midis informacioneve të shumta që dolën në dritë nga publikimi i 11.5 milionë dokumenteve nga firma panameze ligjore, “Mossack Fonseca”, është edhe mënyra sesi disa prej liderëve dhe diplomatëve më të pushtetshëm në botë dyshohet se përdornin gratë e tyre për të fshehur pasurinë.
Njëra është Anna Sigurlaug Pálsdóttir, bashkëshortja e ish-kryeministrit islandez, Sigmundur David Gunnlaugsson. Emri i këtij të fundit u shfaq në dokumentet në lidhje me një kompani “offshore”, “Wintris Inc”, që ai e krijoi në Ishujt Virxhin Britanikë me Palsdottir, përpara se të martoheshin.
Sipas dokumenteve të rrjedhura, ai ia shiti më vonë aksionet e tij kompanisë së bashkëshortes, për vetëm 1 dollarë, përpara se një ligji ri të hynte në fuqi në Islandë, që e detyronte atë të hiqte dorë nga pronësia mbi këto aksione për shkak të konfliktit të interesit. “The Guardian”, që mori pjesë në hetimet e dokumenteve të “Panama Papers”, tha se çifti në atë kohë jetonte në Britani dhe u këshillua që të krijonte një kompani në parajsat fiskale, në mënyrë që të mbante dhe të investonte të ardhurat e konsiderueshme nga shitja e aksioneve të biznesit të makinave të familjes së Palsdottir në Islandë.
Bashkëshortja e Presidentit të Azerbajxhanit, Ilham Aliyeva. Ajo drejton gjithashtu një fondacion kombëtar bamirësie, të quajtur fondacioni “Heydar Aliyev”.
Zonja e Parë është e njohur për stilin prej fashionisteje, si dhe ndërhyrjet e shumta plastike. Por, tashmë ajo është e njohur edhe për lidhjet e saj më kompanitë “offshore”, që i ndan me vajzat e çiftit presidencial. Aliyeva bleu një kompani në ishujt britanikë Virxhin, “Rosamund International Ltd.” Së bashku me bashkëshortin e saj në vitin 2003. Ajo është bashkëshortja e Dmitry Peskov, zëdhënës i presidentit rus, Vladimir Putin dhe në 2006-ën u shpall kampione olimpike e patinazhit në akull. Ajo është parë krah Putinit në disa raste. Emri i Navkas shfaqet në “Panama Papers” si përfituese e kompanisë “Carina Global Assets Ltd”, me bazë në ishujt britanikë Virxhin. Firma u krijua në 2014-ën dhe u likuidua në nëntor të vitit të shkuar.
“The Guardian” raporton se Navka përdori agjentë në ishullin e Man për të shkruar email-e, ku thuhej se kompania do të përdorej për investime. Javën e shkuar, Navka mohoi të kishte një kompani “offshore” duke thënë: “Nuk kam pasur kurrë një kompani apo llogari ‘offshore’. Nuk e di se kush mund ta ketë bërë. Edhe unë gjithashtu do të doja të kuptoja se çfarë ka ndodhur”. Edhe Peskov mohoi që bashkëshortja e tij të kishte qenë pronarja e kompanisë, duke thënë për gazetarët në Moskë se, bashkëshortja e tij nuk ka pasur kurrë në pronësi një kompani “offshore” dhe se në bazë të kësaj, ai dyshonte vërtetësinë e çdolloj pretendimi.
BW
