Një grabitje me armë ka ndodhur në orët e para të mëngjesit të sotëm në Lezhë. Sipas burimeve zyrtare ngjarja ndodhi në fshatin Rrilë rreth orës 01:30 të mëngjesit.
Gjatë grabitjes është plagosur kryefamiljari Vasil Sela, i cili është nisur me urgjencë drejt Tiranës për mjekim më të specializuar. Dyshohet se kryefamiljari ka bërë rezistencë ndaj edhe është qëlluar nga grabitësit.
Policia ndodhet në vendin e ngjarjes dhe po kryen veprimet hetimore, ndërkohë që ende nuk është bërë e qartë se çfarë është vjedhur. Kjo është grabitja e dytë në pak ditë në qytetin e Lezhës.
Dy ditë më parë persona të maskuar kanë vjedhur 15 mln lekë të vjetra si dhe një automjet në shtëpinë e këngëtarit Zef Beka në Ishull Shëngjin, duke terrorizuar familjen e tij. Autorët u ndoqën nga policia por braktisën mjetin e vjedhur në një kanal dhe arritën t’i shpëtojnë policisë.
Grabitje pas mesnate në Lezhë, hajdutët plagosin kryefamiljarin
