Tjetër grabitje e dhunshme në një banesë në zonën e Lezhës. Ngjarja e rëndë ka ndodhur rreth orës 1.20 pas mesnate në Ishull Lezhë në banesën e shtetasit me iniciale Z.B. Në banesën e tij hynë tre persona të maskuar të cilët dhunuan kryefamiljarin dhe grabitën 1.5 miion lekë të reja dhe një mjet tip Golf 5. Mjeti u braktis teksa grabitësit po ndiqeshin nga policia.
Njoftimi i policisë së Lezhës:
Më datë 09.08.2016, rreth ores 01.20 është njoftuar se është vjedhur banesa e shtetasit Z.B., banues në Ishull Shëngjin. Menjëherë në vendngjarje ka mbërritur grupi hetimor që kanë konstatuar se 3 persona të maskuar ,me anë të dhunës kanë vjedhur shumën monetare prej 1.500.000 lekë të reja si dhe një mjet Golf -5 në pronësi të shtetasit Z.B.
Falë veprimeve të shpejta hetimore ky mjet është lokalizuar dhe po ndiqej nga policia, por autorët e dyshuar të gjendur nën presionin e ndjekjes, kanë braktisur mjetin i cili është gjetur i rrëzuar në një kanal anë rruge dhe autorët e dyshuar janë larguar duke përfituar nga errësira.
Janë shoqëruar disa persona si dhe janë sekuestruar disa sende në cilësinë e provave materiale.
Punohet për identifikimin e kapjen e autorëve për veprën penale “Vjedhja me dhunë, kryer në bashkëpunim” , parashikuar nga neni 139 – 25 i Kodit Penal./a.m.
