Janë nje seri shkeljesh të bëra nga firma që merrej me sigurinë e transportiot të parave, ato që sollën si pasojë edhe grabitjen e tyre dje në Qafë- Kashar. Në këtë përfundim ka arritur Policia e Shtetit pas hetimeve të zhvilluara në mënyrë intensive. Drejtori i Përgjithshëm për Sigurinë, Altin Qato ka dhene detaje, lidhur me këtë ngjarje. Referuar rastit, Qato në një deklaratë për mediat, thotë se nga ata e firmës private, “Jaguar Security”, që kryente transportin e parave janë shkelur disa rregulla. Ai thekson rëndësinë e rritjes së parametrave të sigurisë, por shton se shqetësues është fakti që “bankat nuk investojnë në sigurinë e tyre, por shohin vetem koston e ulet”.
Rregullat e shkelura nga shoqëria e sigurisë fizike sipas tij jane:
– Mjete ishin të modifikuara dhe nuk plotësonin kriteret pavarësisht se në lejet e transportit rrugor nga Drejtoria përkatëse është shkruar mjet për transport të veçantë.
– Kamerat e sigurisë në mjet nuk ishin të instaluara.
– Njëri nga drejtuesi e mjetit nuk ka qenë i autorizuar për të lëvizur me këtë mjet.
– Nuk kanë përdorur armët ashtu siç parashikohen në ligj për raste të tilla.
– Mjetet e monitorimit nuk ishin të certifikuara.
– Të dy automjetet nuk kishin logon e shoqërisë së transportit të parave.
– Nuk është kërkuar bashkëpunimi me forcat e policisë.
Bazuar në shkeljet e konstatuara, gjatë paradites së sotme u vendos heqja e certifikatës së shoqërisë së transportit “Jaguar Security”.
ma.me
