Gjykata e Lartë ka liruar 2 nga të arrestuarit për grabitjen e rreth një milion Eurove në aeroportin e Rinasit në 30 qershor 2016. Pas kërkesës, Gjykata ndryshoi masën e sigurisë për Drejtorin Operacional të kompanisë “ICTS” Arben Karafili dhe agjentin e kompanisë “ICTS” Fadil Jonuzaj nga arrest me burg në detyrim paraqitje.
Pas grabitjes u arrestuan 5 persona, deri tani 3 janë liruar, ndërsa 2 mbeten në burg Bledar Blloshi, agjent i kompanisë “ICTS” dhe Kujtim Picari, shoqërues i vlerave monetare i një banke të nivelit të dytë. Ndërsa Vangjel Nikolla kryetar i Degës Teknike të Aeroportit ndodhet në arrest shtëpie.
Në 30 qershor 3 persona të maskuar dhe të armatosur arritën që të vidhnin rreth 1 milionë euro të një banke të nivelit të dytë në pistë, teksa po bëheshin gati të transportoheshin në avion me destinacion Italinë.
Njëri nga tre grabitësit, i maskuar e i veshur me jelek fosforeshent, kapërceu një nga portat e shërbimit të aeroportit duke thyer kyçin dhe e më pas ka hapur derën për t’u futur me 2 bashkëpunëtorët në pistë. Grabitësit i janë dashur vetëm pak sekonda që të zerojë sigurinë e aeroportit duke grabitur shumën, ndërsa deri ditën e sotme nuk ka asnjë të arrestuar për ngjarjen.
ma.me
