Policia ka arrestuar rojen e teatrit ‘Skampa’ duke e akuzuar për neglizhencë në momentin që persona të paidentifikuar u futën brenda ambienteve duke grabitur 4500 euro.
Arrestimi i Sokrat Thanos 48 vjeç është bërë pasi ishte i punësuar pranë një firme private dhe ka qenë në plan me shërbim pranë teatrit ‘Skampa’, por sipas policisë dyshohet të mos i ketë përmbushur detyrat duke neglizhuar.
Në vijim të njoftimit, blutë e Elbasanit deklarojnë se autorët kanë tentuar të vjedhin me thyerje zyrat e katit të dytë në Teatrin ‘Skampa’ por nuk kanë arritur të marrin asgjë nga institucioni, pasi shuma e vjedhur 4500 Euro në kasafortën e këtij institucioni ishte e financieres.
Financierja deklaroi dje në polici se shumën ia kishte dërguar vëllai nga Gjermania, ndërsa i kishte lënë në kasafortën e institucionit ku punonte për arsye sigurie, pasi bankat ishin të mbyllura në fundjavë. E ndërsa roja akuzohet për “Shpërdorimi të detyrës” vijojnë hetimet për identifikimin dhe kapjen e autorëve të grabitjes së 4500 eurove/a.ç
