Google thjesht nuk mund të ndalojë së uluri çmimet e telefonave të tij. Disa javë pasi uli çmimin e telefonit të tij Nexus 5X nga $379 në $349, çmimi i këtij telefoni është ulur edhe më shumë deri në $299.
Kjo është pjesë e promocionit të ditës së Shën Valentinit, i cili përfshin gjithashtu edhe version ngjyrë ari të Nexus 6P, çmimi i të cilit ka shkuar nga $499 që ishte në fillim deri në $459.
Google gjithashtu ka hedhur dhe disa marrëveshje të mira për klientët e tij: bli një Nexus 6P dhe do të fitosh $50 për të blerë një orë të zgjuar të Huawei; nëse blen një Nexus 5X , fiton një këllëf mbrojtës falas.
Kemi lajme të mira dhe për të gjithë blerësit në Evropë: Jo vetëm që është i vlefshëm ky promocion edhe në Evropë por çmimet janë ulur vërtet shumë. Çmimi i Nexus 5X është ulur me €80, nga €429 në €349, ndërkohë që çmimi i Nexus 6P është ulur nga €649 në €549. Ulja e çmimit është e njëjtë në të gjitha vendet evropiane ku janë në shitje këta telefona.
Është lënë jashtë këtyre uljeve vetëm Mbretëria e Bashkuar ku çmimet e Nexus 5X dhe 6P janë respektivisht £299 dhe £449.
Ky promocion është i vlefshëm nga 26 Janari deri në 12 Shkurt.
