9 shtetas nga Tirana u bllokuan me mjetin lundrues në afërsi të plazhit Krorëz, teksa iu erdhi në ndihmë njësia speciale e kufirit dhe njësia policore detare. Mes personave që iu dha ndihmë ishin edhe fëmijë.
Ata janë transportuar në Portin e Sarandës, në gjendje të mirë shëndetësore. Familjarët kishin dalë për një guidë turistike në këtë zonë, kur gomonia e tyre pësoi defekt.
Menjëherë pas njoftimit, shërbimet e policisë kufitare dhe njësisë policore detare shkuan në ndihmë në afërsi të plazhit Krorzë, ku gjendeshin drejtuesi i gomones dhe 8 familjarët, mes të cilëve edhe fëmijë.
Të gjithë u transportuan me mjetin e njësisë speciale Delta në Portin e Sarandës. Gjithashtu dhe mjeti u transportua po nga policia në këtë port.
‘Me marrjen e njoftimit, shërbimet e Policisë Kufitare dhe Njësia Policore Detare shkuan menjëherë në drejtim të adresës së dhënë, në afërsi të plazhit????Krorëz, dhe konstatuan mjetin lundrues tip gomone, i cili kishte pësuar defekt në motor.
Në bordin e tij ndodheshin drejtuesi dhe 8 familjarët e tij, të cilët kishin dalë së bashku për guidë turistike në këtë zonë.
Të nëntë shtetasit u transportuan me mjetin e Njësisë Speciale Delta në Portin e Sarandës, në gjendje të mirë shëndetësore.
Gjithashtu, mjeti i tyre lundrues u transportua nga Policia po në këtë port.’, thuhet në njoftimin e policisë.
