Performanca e mirë në fushën e lojës ka marrë edhe shpërblimin e merituar. Futbollistë të kombëtares shqiptare janë përzgjedhur në formacionin më të mirë të javës në kampionatet respektive. Nedim Bajrami, hero për Sassuolo në atë barazim 2-2 në transfertën e Salernitana bën pjesë në 11 ideale të javës së 31 të Serie A.
Mesfushori shënoi dhe asistoi në këtë sfidë për tu vlerësuar me notën 8.5. 25-vjeçari formon repartin më të avancuar të mesit të fushës, së bashku me Çahanollu, Çukueze dhe Auxhelio.
Me gol dhe asist shkëlqeu edhe Odise Roshi. Forma e fierakut u shpërblyer nga sofascore që e ka përfshirë në formacionin më të mirë të javës së 29-të në Ligën e parë turke. Roshi pozicionohet në krahun e djathtë të sulmit me një skemë 3-4-3. 31-vjeçari u vlerësua me notën 8.6 në këtë takim, për të qenë lojtari i dytë më i mirë i javës.
Nuk arriti të shënojë, duke shpërdoruar edhe një penallti, por Arbnor Muçolli është lojtari më i vlerësuar në superligën suedeze. Sulmuesi meritoi notën 9.4 pasi ishte kërcënimi kryesor për rivalët në atë humbje 1-0 të regjistruar nga Goteborg. Muçolli u përpoq me të gjitha mënyrat për të shmangur këtë disfatë të skuadrës së tij, por fati dhe portieri bënë të pavlefshëm tentativat e tij.
/a.r
