Një aksion anti-drogë në Brindisi ka çuar në pranga 9 persona në Itali, përfshi këtu shqiptarë dhe italianë të cilët akuzohen për trafik të lëndëve narkotike.
Media italiane raporton se droga, me origjinë nga Shqipëria trafikohej dhe shpërndahej në një sërë zonash të shtetit fqinj. Përveçse trafikut të drogës, grupi akuzohet edhe për konteabandë të cigareve dhe alkoolit.
Të arrestuarit në fjalë bëjnë pjesë në dy grupe të ndryshme kriminale. Policia ende nuk ka dhënë detaje të plota pasi pritet që të zhvillohet një konferencë për shtyp nga Guardia Di Finanza./a.m.
