Dikur një prej popullsive më të reja në botë, por brenda disa dekadave Shqipëria pritet të kalojë tërësisht në krahun tjetër. Projeksionet e realizuara nga Organizata e Kombeve të Bashkuara tregojnë se në vitin 2100 Shqipëria do ketë popullsinë më të plakur në botë, ku 49% e banorëve do të jenë mbi moshën 65 vjeçare. Sociologu Gëzim Tushi i konsideron alarmante këto shifra bazuar në ritmet e shpejta të plakjes.
“Fakti që parashikimet që në 2100 do të arrijmë në 1.1 mln banorë apo që mosha mesatare do të arrijë 63 vjeç do të thotë që gjysma e popullsisë do të jetë e plakur atëherë do të thotë që brezin e ri për fuqi punëtorë do ta eksportojmë nga jashtë”
Rënia e numrit të lindjeve me 17% këtë vit shihen si faktori kryesor që po plak vendin, ndërsa emigrimi i të rinjve është shkaktari tjetër. Pa shifrat e emigracionit në dispozicion, vetëm kërkesat për azil në BE dhe Mbretërinë e Bashkuar arritën në 32 mijë vitin e kaluar, niveli më i lartë që prej vitit 2015. Shkaktarët e këtij fenomeni Sociologu Tushi i lidh me situatën ekonomike dhe politike në vend.
Cila është strategjia që duhet të ndjekë Shqipëria për zbutjen e këtij fenomeni.
Deri në vitin 2100 të gjitha shtetet pritet të kenë një rritje të segmentit të moshës së tretë. Në vetëm 3 dekada vlerësohet se 1 në 4 banorë në botë do të jenë mbi 65 vjeç.
/s.f
