Në seancën e së martës të dosjes “Plumbi i artë” i penduari i drejtësisë, Nuredin Dumani, po pyetet nga avokati i Henrik Hoxhajt, ish-i penduar, me të cilin SPAK e prishi marrëveshjen e bashkëpunimit.
Avokati: Si ke marrë dijeni për vrasjen e Ervis Dedës?
Nuredin Dumani: Kam ardhur në dijeni sepse ma ka dhënë Festimi. Kur jam takuar me Festimin kemi shkuar të Shkëmbi i Kavajës për të kërkuar armën.
Avokati: Si je njohur me Festimin?
Nuredin Dumani: Jemi njohur për shkak të një konflikti në lokalin e tij.
Avokati: Pas njohjes me Festimin keni patur shoqëri të qëndrueshme?
Nuredin Dumani: Po kemi patur.
Ndërsa më pas, në sallën e gjyqit ka pasur edhe një debat mes avokatëve të Hoxhajt dhe prokurorit Dibra.
