Gjykata e Matit miratoi mandatin e konfirmuar nga KQZ për kryebashkiakun e ri të Matit, Agron Malaj i dalë nga zgjedhjet e 30 Qershorit.
Malaj garonte i vetëm në zgjedhjet lokale për bashkinë e Matit ku arriti të marrë 7,936 vota.
Kandidatura e tij solli mjaft diskutime për shkak të rolit të tij si gardist në protestën e 21 janarit.
Ky është mandati i dytë i konfirmuar nga gjykata për fituesit e zgjedhje të 30 Qershorit në katër bashkitë e Qarkut Dibër të cilat do drejtohen nga PS për katër vitet e ardhshme.
Më herët mori mandatin Ilmi Hoxha për Bashkinë Klos, ndërsa pritet që mandatin ta marrin edhe Lefter Alla për Bashkinë Bulqizë dhe Dionis Imeraj për Bashkinë Dibër./l.m
