Gjykata e Lartë ka rrëzuar këtë të hënë kërkesën e deputetit Mark Frroku për të ndjekur nga salla e Kuvendit seancat parlamentare, në kushtet kur mbi Frrokun nuk rëndon një dënim i formës së prerë.
Deputeti kristiandemokrat e depozitoi këtë kërkesë më datë 5 nëntor, ndërsa kërkonte sqarime mbi faktin se Kuvendi nuk i paguan rrogën prej datës 28 mars, 2 ditë pasi deputeti i Shkodrës u prangos nga Policia. Frroku akuzohet nga drejtësia belge, që kishte lëshuar prej janarit një urdhërarrest ndërkombëtar, pasi akuzohet se në vitin 1999 ka vrarë shqiptarin Aleksandër Kurti në Bruksel.