Filmi më i fundit i serisë së Agjentit 007, “Spectre” ka rezultuar menjëherë i suksesshëm pas daljes në kinema, duke fituar 73 milionë dollarë deri të dielën. Në këtë mënyrë, bëhet i dyti nga filmat me James Bond në renditjen e suksesit në premierë. Filmi i 24-t i serisë 007, me 53-vjeçarin skocez Daniel Craig në rolin e spiunit të famshëm, ka kushtuar 250 milionë dollarë.
Megjithatë, “Spectre” nuk iu afrua standardit të vendosur më 2012 nga “Skyfall”, i cili debutoi me 88.4 milionë dollarë dhe u bë filmi i parë i serisë që kalon 1 miliardë dollarë nëpër botë.
“Nuk prisnim asnjëherë që të hapeshim në nivelin e “Skyfall. Ishte skenar krejt ndryshe. Konkurrenca ishte ndryshe, fundjava ishte ndryshe”, tha Rory Bruer, president i degës së distribucionit botëror i kompanisë Sony. “Gjëja për të cilën jam i sigurt është se marka Bond është po aq e shëndetshme dhe e fortë si gjithmonë”.
