Gjykata e Krimeve të Rënda ka pranuar kërkesën për të kryer gjykim të shkurtuar për 10 nga të akuzuarit e dosjes Lazarat 2014. Gate Mahmutaj po ashtu ka kërkuar gjykim të shkurtuar, por gjykata tha se bmi këtë kërkesë do të shprehet më vonë.
Dosja Lazarat 2014 ka 16 të pandehur të cilët kundërshtuan dhe luftuan policinë e shtetit në operacionin antikanabis, në shtator të vitit të kaluar. I gjithë grupi është nën akuzë për “pjesëmarrje në grup kriminal”, “kultivim të kanabisit”, “vrasje të mbetur në tentativë të efektivëve të policisë” dhe “mbajtje të armëve dhe municioneve luftarake”. Procesi gjyqësor ka nisur që më 8 korrik të këtij viti.
