Gjykata Kushtetuese rrëzoi kërkesën e Unionit të Gjyqtarëve i cili kërkonte shpalljen si antikushtetues të ligjit për Statusin e Gjyqtarit.
Gjykata e vlerësoi kërkesën e Unionit si të pabazuar.
Gjyqtarët kërkuan nga Kushtetuesja fillimisht pezullimin dhe më pas shfuqizimin e ligjit për statusin e tyre. Kërkesa e parë, ajo për pezullimin e ligjit është rrëzuar nga trupa gjyqësore më e lartë në Shqipëri, ndërsa do të shqyrtohet ajo për shfuqizimin e tij.
Përfaqësues të Unionit dhe të Shoqatës në kërkesën e tyre pretendojnë se ligji bie ndesh me Kushtetutën e vendit dhe penalizon promovimin e gjyqtarëve të shkallëve të para dhe të apelit.
Sipas tyre, ligji krijon vakuum institucional dhe nga zbatimi i tij mund të krijohen situata pështjelluese në mënyrën sesi do të funksionojnë institucionet e drejtësisë.
Ligji për statusin e gjyqtarëve dhe prokurorëve hyri në fuqi më 22 nëntor të vitit të kaluar.
Ky ligj është një dër draftet e reformës në drejtësi./a.m.
