Pas refuzimit të parë të bërë në Strazburg, Ina Rama tërhiqet nga kërkesa për t’u bërë gjytare në Gjykatën Europiane të të Drejtave të Njeriut.
Për këtë garë kanë riaplikuar sërish Gent Ibrahimi dhe Sokol Berberi, edhe ata pjesë e treshes së refuzuar në gusht nga Gjykata.
Që prej datës 1 nëntor qeveria rihapi aplikimin për përfaqësuesin e shtetit shqiptar në Strasburg. Në garë janë përfshirë dhe 8 persona të tjerë, mes të cilëve dhe juristja Aurela Anastasi, që së bashku me Gent Ibrahimin ndihmuan në hartimin e reformës në drejtësi.
Po ashtu dhe ish avokatja e Mihal delijorgjit e cila e ndihmoi të fitonte 15 mijë euro dëmshpërblim nga shteti shqiptar ne gjyqin në Strasburg, Elira Kokona, është përfshirë në garë. Ajo u skualifikua nga komisioni herën e parë, gjatë verës së këtij viti.
Emrat e tjerë janë ata të gjyqtarit Aleksandër Muskaj, Asllan Karaj, Ermal Frashërit, Marjana Selimi Tutulanit, Markeljan Koças, Oriona Muçollarit dhe Suela Mënerit.
Nga këto 10 juristë, qeveria shqiptare do të dërgojë në Strasburg vetëm 3. Të njëjtën procedurë zhvilloi dhe në fund të gushtit, por Gjykata skualifikoi 3 kandidaturat e Gent Ibrahimit, Sokol Berberit dhe Ina Ramës per shkelje të procedurave të përzgjedhjes.
Mandati i gjyqtarit në Strasburg është 9 vjeçar. Aktualisht këtë detyrë e ushtron Ledi Biaku deri në 31 Janar të 2017-ës.
Shqiptarja.com/d.i.
