Ilir Meta akuzoi kryeministrin Rama se nuk po mbështet qytetarët të cilët po përballën me rritjen e çmimeve, ndërsa hedh miliona euro për interesa të veta. Meta mori shembull paketën e fundit që Kosova ka bërë për qytetarët, për të thënë se ndryshe nga qeveria shqiptare, qeveria e Kosovës iu vjen në ndihmë shtetasve të vet.
“Falsifikon firmat e njerëzve që kanë vdekur dhe marrin miliona euro. 2/3 e Shqipërisë jetojnë me më pak se 5 dollarë në ditë. E patë paketën e qeverisë në Kosovë? Kosova ka bërë edhe paketa të tjera gjatë vitit”, u shpreh Meta.
Gjatë fjalës së tij, Meta tha me ironi për akuzat se ka bërë shumë pasuri se “Më kaq lekë sa ka mbledhur Edi Rama, Ilir Meta do të kishte bërë një rrugë nga Berati në Londër”.
Nuk thone kot qe gjuha shkon pikerisht aty ku “dhemb” dhëmbi, pasi pikerisht akuzat e Berishes ndaj Metes bejne fjale per Londren, si vendi i depozitimit te floririt te vjedhur ne Krrabe./m.j
