Në rubrikën “Komenti i Ditës” në Dritare TV, gazetari Dritan Hila foli për turizmin në Shqipëri dhe si u paraqit ky sezon turistik që lamë pas.
Nëpërmjet një analize, zoti Hila theksoi sukseset e arritura dhe gjithashtu cili ishte armiku që e pengoi Shqipërinë të performonte akoma më mirë.
“Është koha për të bërë një analizë se kush janë armiqtë dhe miqtë e turizmit shqiptar dhe cilat janë perspektivat e tij. Edhe këtë vit turizmi shqiptar pati armiqtë e vet, që janë agjensitë turistike, që kanë paketa turistike për në Turqi apo Greqi apo dhe në vende të tjera, pra nxjerrin lekun shqiptar jashtë. Kjo fillon që nga publiciteti pozitiv ku vihen në pah bukuritë e vendeve që do shkojnë shqiptarët, lehtësirat shërbimet dhe çmimet e lira.
Përveç këasaj propogande positive kemi dhe propagandën negative dhe kjo është ajo më e shëmtuara por që zë edhe vendin më të madh. Kjo fillon me propagandën që bëjnë personazhe të caktuar, shpesh publikë që tregojnë se sa keq është në disa vende në Shqipëri. Sapo fillon maji shohim në rrjete sociale fatura, shpesh që nuk tregojnë restorantin nga vijnë, të cilat tregojnë sat ë larta janë çmimet. Do kemi fatura ose dekklarata që tregojnë se sa shtrenjtë janë shërbimet në restorante të caktuara ku dihet që janë disëa ga destinacionet më in të verës dhe pretendojnë t’i kenë çmimet të njëjta si në lokale të thjeshta që ndodhen në qytetet shqiptare.
Pastaj fillon propaganda për pisllëkun e vendit , e restoranteve, e plazheve dhe paralelisht tregohet sa lirë është në vendet e botës dhe sa të pastra janë plazhet e sa të lira. Përveç kësaj kemi dhe një sulm që bëhet duke amplifikuar ngjarjet, gjë që shpesh çon në një lloj prishjeje të shijes së pushimeve. Këto ngjarje përdoren edhe nga opozita për të sulmuar qeverisjen pra për qëllime politike, ndërkohe që njëkohësisht shkatërrojnë turizmin e vendit.”, u shpreh zoti Hila./m.j
