Gjuha e urrejtjes në platformat e komunikimit dhe media po përdoret si mjet manipulimi, për të provokuar reagim emocional, si teknikë për të deformuar perceptimin e opinionit publik dhe po prodhon krizë të besimit të vërtetësisë duke e shtruar si ekzistenciale nevojën për edukim mediatik.
I këtij mendimi ishin përfaqësuesit e institucioneve të thirrura në tryezë nga Armela Krasniqi kryetarja e Autoritetit të Mediave Audioviuale, (AMA).
Gjuha e urrejtjes nuk është liri shprehje, duke veçuar së pari politikanët në adresimet e tyre publike. Të imponuarit dhunshëm të mendimeve ushqen të rinjtë drejt formave të gabuara të reagimit.
Përfaqësuesit e Avokatit të popullit kërkojnë përfshirjen e edukimit mediatik në kurrikulat e shkollave, forcim të kornizës ligjore dhe zbatim me penalitete.
Edukimi mediatik nuk është sfidë vetëm e mediave, që janë pasqyrë e shoqërisë, por edhe e prindërimit, arsimimit, marrëdhënieve në komunitet dhe pastaj komunikimit në media.
